Dat utgefallene Spill van`d letzt`Johr "Spöökeree an`d Espelsee" hebbt wi nu naaholt.......

.......un dorum gung dat:
Alfred Bokelmann (Werner Röben) un Theo Folkerts (Heinz Zimmering) sünd twee Buuren. Se hebbt beid`Ackerland an`d Espelkamp, de een mehr un de anner wat minner - man dat is aal so schkeef un schkell, dat se nich mehr vööl Lüst hebbt, dat toe bearbeiden. Besünners Alfred`s Söhn Heiko (Jens Röben) weer blied, wenn he dor nich mehr mit sien Trecker bargup un bargoff fohren mutt. Se hebbt sück dor all mit offunnen - man denn kriegen se Visiet van de Inverstorin Gerlinde Schmieder (Bärbel Mennebäck). Se söcht Land för een Camping- un Freetiedanlaag un se hett dor ok all wat in`t Oog: Dat Ackerland an`d Espelkamp! Dat weer ja de Gelegenheit! De beiden will`n geern verkoopen, man Frau Schmieder seggt nich, wovööl se bruukt. Nimmt se nu leewer dat van Alfred, off dat van Theo? Van nu off an beluuren sück de beiden - un een will dor noch mehr bi ruutslaan, as de anner. Opa Julius (Erhard Hummels) jöökt dat aal nich. He hett dat mit de Ohren un dorum ok ständig Riewereen mit sien Schweegerdochter Emma (Anita Penning).....un nu will se hum ok noch in`t Baalje kriegen. Böörgmeester Anton Gruber (Helmut Gruis) will dissen Campingplatz unbedingt hemm`n......sall ja goud weesen för sien Gemeend......un he kunn dor ja ok noch een Stückje van sien Land mit inbottern. Dat bruuken de annern ober nich toe weeten. För vööl Unruh sörgt ok noch de wiese Naaberske Anna Traatscher (Elisabeth Langheinrich). Mit immer mehr "Neejigkeiten" geiht se de annern ständig up de Nerven un steckt hör Nöös överall tüschen. Un denn word de Freetied-Anlaag baut....mit een Campingplatz un sogar een richtigen See toe baaden!! Eegentlich wull Theo ja mit sien Frau Maria (Christa Müller) na Mallorca - un Alfred un Emma wullen na Tirol. Man nu kummt dat aal heel anners.............

Unsere Leute sind immer bereit...und sie sind gespannt auf die Raktionen des Publikums...

Unser "Spielermaterial", stehend von links nach  rechts: Reiner Schmidt, Anita Penning,Thomas Weers, Erhard Hummels, Helmut Gruis und Werner Röben
sitzend von links nach  rechts: Christa Müller, Bärbel Dörgeloh, Elisabeth Langheinrich, u Bärbel Mennebäck. Dazu kommt noch Jens Röben.
Dieses Foto stammt allerdings von einem etwas älteren Spiel. Da war Jens  noch nicht bei uns "eingestiegen", ist also auf diesem Gruppenbild noch nicht zu sehen. Also, alles fähige Leute......somit ist auf der Bühne wieder mit "viel Bewegung" zu rechnen.